Orashon di dia 27 september 2017

IMG_0232

Tata Santo danki pa lanta cada un di nos awe. Pa protega nos durante henter un anochi y cu awe atrobe nos por conta cu Bo. Grandi y Maraviyoso Bo ta Señor.  Duna nos e forza pa laga tur Bo plannan cu Bo tin pa cada un di nos so wordo realisá. Den Bo mannan Todopoderoso nos ta hinca nos mes. Den e Evangelio di awe Bo ta invita nos pa bai proclamá Bo Palabra. Pero alavez Bo ta mustra nos cu nos no mester di nada pa e caminda, solamente Dios.(Lc. 9,1-6 ) Nos mester kere den e Dibino Providencia. Cu Dios mes ta provee tur loke nos tin mester. Nos mester bandona nos mes y confia y kere den e boluntad di Dios. Dios ta duna nos cada dia e don di bida den un cheque di 24 ora. Ta keda na cada un di nos con nos ta invertié. Señor yuda nos pa scohe semper pa Dios, esun Altisimo. Duna nos un fe firme y e curashi pa nos por sali y proclama e Palabra di Dios na tur esnan cu tin mas mester di dje. Laga cu nos confia plenamente den Dios cu E mes ta guia nos y ta haci tur cos atraves di nos pa medio di Cristo nos Señor. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031