Orashon di dia 6 april 2017

IMG_2312

Tata Santo na principio di un dia nobo nos kier bisa Bo danki pa duna nos e oportunidad atrobe pa mira luz di dia. Sin Bo forsa dibino esey no tawata posibel. Bo ta nos fortalesa y nos refugio. Grandi Bo ta Señor. Bo ta bisa nos awe den Bo Palabra cu si un hende obedece Bo palabranan, lo e no mira morto nunca. ( Huan 8, 51-59 ) Esey ta un gran berdad. Esun cu ta fiel na Hesus su palabranan, lo no muri pa semper. Hesus ta invita nos pa proclama cu nos bida y nos accionnan e amor misericordioso di su Tata. Solamente e amor pa Dios ta duna bida. Nos mision ta di transmiti e amor di Dios y su misericordia. Laga nos haci di nos bida un autentico vocacion pa amor bibando pa sirbi lo demas. E eror ta cu nos ta pensa cu tur cos ta resolve ora nos observa e mandamentonan, pero esey no ta un ley friu, pasobra e ta nace di un relacion di amor y nan ta indicacionnan cu ta yuda nos pa nos no kiboca den nos caminda pa encontra Hesus. Asina, e fariseonan ta cera nan curason y nan mente pa cualkier novedad, nan no ta comprende e caminda di speransa. Esey ta e drama di e curason cera, e drama di e mente cera y ora e curason ta cera, e curason ey ta cera e mente y ora curason y mente ta cera no tin luga pa Dios, sino solamente pa loke nos ta kere cu nos mester haci. Laga nos pidi Spirito Santo bin guia nos. Spirito Santo, Abo cu ta autor di bida bin guia nos y renoba den nos e deseo di sigui cu mas entusiasmo loke Señor ta indica nos. No permiti pa nos separa di Bo amor, Bo sa cu nos ta debil pero nos ta confia den Bo misericordia. Duna nos Bo amor cu esey ta basta. Pasobra amor por tur cos Amen.

Comparti e Bon Noticia
Posted in Orashon di Dia
April 2017
M T W T F S S
« Mar    
 12
3456789
10111213141516
17181920212223
24252627282930