Orashon di dia 1 September 2017

IMG_0971

Tata Misericordioso nos ta alaba Bo y bendishona Bo pa Bo presencia den cada instante di nos bida. Duna nos animo pa nos tin nos wowonan semper habri pa nos no trompeca cu e dificultadnan cu nos ta encontra den bida. Yuda nos pa nos comprende cu nos ta capaz di logra tur nos soñonan y proyectonan si nos pone tur cos bow Bo proteccion y amparo. Solamente ora nos ta cu Bo nos por sigui sali padilanti sin tene miedo. Den Bo generosidad Bo ta sigui yena cada un di nos cu Bo bendicionnan. Awe den Bo Palabra nos por lesa di e parábola di e dies hobencitanan. Cinco di nan tawata sabi y nan a bai cu nan lampi pa contra cu e bruidegom y zeta extra. Pero e cinco bobonan no a bai cu zeta extra. Ora e bruidegom a tarda e zeta di e cinco bobonan a caba pero di e sabinan no. ( Mat. 25,1-13 ) E parábola aki ta mustra nos cu nos mester ta semper alerta, pa nos biba semper prepara. Pasobra nos no sa ki dia Hesus, cu ta e bruidegom ta bini busca nos. Anto si nos no ta prepara manera e cinco hobencitanan bobo, nos no por drenta e fiesta di casamento. Si nos no busca Hesus den nos bida, ora e momento yega cu Señor yama nos, E ta cera e porta pa nos y bisa nos cu E no conoce nos. Tata di Amor, yuda nos pa nos por pone tempo pa busca un encuentro personal cu Bo pa medio di oracion pa nos siña conoce Bo cada dia mas. Tambe atraves di Bo Palabra cu Bo ta papia cu nos cada dia di nobo. Laga nos por busca Bo tambe den e Sacramentonan vooral esun di Reconciliacion pa nos por entrega Bo tur nos faltanan y haya un paz den nos curazon cu Bo, cu nos mes y nos prohimo y busca e alimento spiritual den e Santa Eucaristia pa haya e forza cu nos tin mester pa sigui padilanti. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930