Orashon di dia 10 april 2017

Bon siman

Tata amoroso danki cu Bo a permiti nos drenta e siman santo aki. Señor duna nos e sabiduria y forsa di boluntad pa dedica e miho tempo di e siman aki na oracion y meditacion riba e pasion, sufrimento y morto di nos Señor Hesu-Cristo. Yuda cada un di nos muri den nos picanan pa nos por resucita hunto cu Cristo den un bida renoba. Nos sa cu Bo ta bin na nos encuentro pa transforma nos. Awe nos ta nota den e Evangelio cu nan ta basha perfume riba Hesus na Betania. Maria a drenta cu mei liter di azeta perfuma caro e la hunta Hesus su pia cu ne. Despues e la seca Hesus su pia cu su cabei; holo dushi di e perfume a yena henter e cas. ( Huan 12, 1-11 ) Nos mester sirbi Hesus cu lo miho cu nos tin, dun’E nos amor, nos tempo y nos oracion mester subi manera un sencia di holor dushi te na trono di Señor. Tata no laga nos egoïsmo y nos anhelo na cosnan material stroba nos di duna e amor manera Abo a mustra nos. Bo tawata obedecido te na morto pa cumpli cu boluntad di BoTata pa nos por haya salbacion. Yuda nos pa medio di Bo Spirito Santo pa nos por duna tur loke tin di nos parti pa nos por mustra e amor di Dios na lo demas. Laga nos por sirbi nos prohimo sin interes y sin importa cuanto e sirbishi por costa nos. Cu nos por haci tur cos pa duna Dios Gloria y Honor pa medio di Cristo nos Señor Amen.

Comparti e Bon Noticia
Posted in Orashon di Dia
June 2017
M T W T F S S
« May    
 1234
567891011
12131415161718
19202122232425
2627282930