Orashon di dia 10 juli 2017

IMG_0059

Dios Tata Todopoderoso Abo ta nos refugio y den Bo nos ta confia plenamente. Bo a regala nos un dia nobo pa cual nos ta sumamente agradecido na Bo. Awe e Evangelio ta presenta nos dos situacion limita, un di e cabesante di e snoa cu a caba di muri y e muhe cu tawata sufri diesdos aña di derame cu a mishi cu  e punta di Hesus su paña, ( Mat. 9, 18-26 ) Un situacion na unda bida ta comprometi y den bista di hende tur cos ta parce perdi. Di un banda un mucha cu apenas ta cuminsa su existencia ta mara na morto y e muhe cu fluho di sanger tawata morto pa diesdos aña pa motibo di e cultura hudiu; e tawata wordo exclui di e comunidad. Pero Hesus a bini pa duna nos bida y bida na abundancia. E ta sali na encuentro di e dolor y e morto pa transforma e desesperacion den un alegria perfecto. Señor Abo cu por tur cos, mi ta dobla mi rudia Bo dilanti pa implora Bo misericordia pa Bo sali na mi encuentro.  Abo cu ta e unico Dios Bibo y Berdadero, aumenta mi confianza den Bo pa trece solucion den momentonan di desesperacion. Amen.

Be Sociable, Share!
Posted in Orashon di Dia
November 2017
M T W T F S S
« Oct    
 12345
6789101112
13141516171819
20212223242526
27282930