Orashon di dia 10 september 2017

IMG_2936

Señor nos ta spierta cada dia confiando cu pa medio di Bo poder Bo ta restaura tur cos, tur nos accionnan y ideanan pa conduci nan pa e caminda di paz. Mi ta roga pa e poderoso forza di Bo presencia cubri y protega nos curazon di tur pena y sufrimento. Bin na nos auxilio  hunto cu tur Bo angelnan y aparta tur loke ta malo for di nos. Abo ta nos refugio pa enfrenta tur situacion dificil di nos bida. Manda Bo Spirito Santo pa yuda nos, guia nos y ilumina nos mente pa nos por tuma decisionnan cu ta di acuerdo cu Bo santa boluntad. Señor den e Evangelio di awe Hesus ta yama Pedro feliz pasobra e la reconoce Hesus como e Mesias, e Yiu di Dios Bibo. Y Hesus a bise cu no ta hende a revela esey na bo ma ta su Tata cu ta den shelo. Y Hesus a nombra Pedro como e baranca y riba e baranca aki Hesus a traha su Iglesia. ( Mat. 16, 13- 20 ) Asina Pedro a bira e prome Papa di e Iglesia Universal di Cristo, e Iglesia Catolico. Hesus a duna Pedro e yabinan di reino di shelo. Hesus a duna Pedro e autoridad riba tera y na shelo y loke e prohibi na tera, lo ta prohibi na shelo tambe. Loke e permiti na tera, lo ta permiti den shelo tambe. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930