Orashon di dia 11 april 2017

IMG_3062
Danki Tata nos ta yama Bo pa mira e luz di dia. Bo ta un Dios asina Bon y Fiel. Den e dianan aki nos kier yega mas cerca di Bo pa busca Bo mas y mas. Nos alma marchita mester di Bo pa nos por wordo renoba. Awe nos ta medita riba e Evangelio di Huan 13, 21-31 unda nos por lesa cu Hesus ta bisa su discipelnan ken lo traicion’E. Mester tawata un momento hopi duro pa Hesus sabiendo cu un di su mes discipelnan cu E tawata tin confiansa den dj’E lo bai traicion’E. Tata pordona nos tur cu awendia tambe ta traicionando Bo door di cana den e caminda robes buscando diberticionan di mundo y coriendo tras di diosnan falso cu ta rondona nos.Yuda nos pa nos por tin e deseo ferviente pa laga tur e cosnan atras cu no ta hiba nos na salbacion. Laga cu nos por reconoce cu enberdad Abo ta un Amigo fiel cu a sacrifica delaster gota di sanger pa mundo henter pa nos por haya pordon di nos picanan y salbacion. Amen.
Comparti e Bon Noticia
Posted in Orashon di Dia
June 2017
M T W T F S S
« May    
 1234
567891011
12131415161718
19202122232425
2627282930