Orashon di dia 11 augustus 2017

IMG_0193

Danki Tata pa concede mi e dia aki pa alaba Bo y bendishona Bo atraves di mi rumannan, pasobra tambe mi por sinti Bo amor y Bo ternura den cada un di nan. Awe mi mester di Bo apoyo y Bo guia mas cu nunca. Desde nos nacemento Senjor a manifesta su amor na unda nos por a experimenta e amor berdadero y sin limite, asta den situacionnan dificil. Ora nos no por a haya salidanan, Bo a salba nos y libra nos di e sclabitud den cua nos tawata someti. Pasobra Abo a stima nos prome di den bariga Bo a duna nos e caminda cu cada un di nos mester recore. Amor tin pasenshi, e ta warda pa nos experimenta e candela di pica, e calor di e huma cu ta conduci na caos, pero e ta lanta nos, cura nos y sana e heridanan causa pa e candela pa asina laga nos sinti su amor incondicional, su amor misericordioso cu ta inunda nos den e lama di su compasion paternal. E amor perfecto capaz di pordona y no mira patras. Pesey Hesus ta invita cada un di nos awe cu si un hende kier sigui’E , e mester lubida su mes, hisa su cruz y sigui Hesus. Pasobra esun cu kier salba su bida, lo perde, ma esun cu entrega su bida pa Hesus, lo hanje bek.( Mat. 16,24-28) Ta bale la pena scohe pa Hesus. Su amor ta grandi y incondicional. Danki Senjor pa permiti nos engrandece nos alma sintiendo Bo amor cu no ta caba nunca. Amen.

Sent from my iPhone

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031