Orashon di dia 11 mei 2017

IMG_0506

Señor nos Dios yuda nos biba pa Bo tur momento. Pa cada dia di nobo nos sa di dobla nos rudia y yega den tur humildad y agradecido na Bo pa tur loke den Bo inmenso misericordia y bondad Bo ta brinda nos. Cu nos por reconoce cu nos mester di Bo den tempo di enfermedad pero tambe den tempo di salud. Na momento di tristeza pero tambe na ora di alegria. Den tempo di miseria y na momento di bonanza. Cu nos mester di Bo tur momento. Bo ta invita nos awe pa laga tur orguyo y egoismo un banda pa nos por experencia e berdadero felicidad. Nos mester sigui ehempel di Hesus cu a humilia su mes te na cruz pa nos hende pecadornan por wordo salba. Nos mester ta testigo di Hesus . Cu nos palabranan wordo acompaña cu nos bon obranan tur momento. Nos mester nenga nos mes pa duna nos mes na otronan cu tin mester di nos. ( Huan 13,16-20 ) Danki Hesus pa sacrifica Bo mes na cruz pa pordona nos picanan. Pa medio di Bo Resureccion Bo a habri porta pa cada un di nos pa e Bida Eterno. Bendishona ta nomber di Señor te den tur eternidad Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930