Orashon di dia 11 october 2017

Holy Trinity 1

Dios Tata Todopoderoso na inicio di un dia nobo nos ta desea di yama Bo danki pa Bo amor y Bo paz. Nos kier biba pa Bo ,stima Bo y habri nos mes pa experencianan nobo di amor cu Bo ta regala nos cada dia di nobo. Nos ta pidi Bo pa tur esnan cu ta aleha di Bo y di Bo Palabra pa nan tambe por conoce tur Bo bondadnan.  Pa medio di oracion nos por keda uni cu Bo y nos ta den comunicacion cu Bo. Hesus ta nos ehempel di oracion. Semper E tawata aparta tempo pa resa na su Tata. Y awe nos ta lesa cu Hesus a siña su discipelnan e oracion di Nos Tata. ( Lc 11,1-4 ) Un oracion completo cu ta duna Gloria na Dios, santificando su nomber, e binimento di e Reino y cumplimento di Tata su boluntad cu ta e prome tres petishonnan. E otro cuaternan ta presenta nos deseonan na Tata: e petishonnan aki ta tocante nos bida, pa aliment’e of cur’e di picá y ta referi na nos lucha pa victoria di e bon riba e malo.Tata duna nos e gracia di aprecia e oracion cu Hesus mes a siña nos, pa nos por rese tur momento meditando riba cada palabra di e Nos Tata.  Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031