Orashon di dia 11 september 2017

IMG_0989

Tata Celestial danki pa bini den nos bida pa yena nos cu Bo presencia , cu Bo amor y pa consola cada un di nos den cada situacion complica cu ta toca nos biba aden. Awe mi ta desea di habri mi curazon pa Bo Palabra pa Bo bini cu Bo accion poderoso y sana tur e recuerdonan doloroso cu ainda no a wordo sana. Hopi di nos realidadnan ta depende di e actitud con nos ta enfrenta nan. Yuda cada un di nos pa tuma decisionnan corecto y cu ta cumbini nos alma. Señor, Abo ta e Dokter di nos alma, e gran sanador, esun cu ta toca e heridanan habri di nos curazon y ta hiba tur nos dolornan y tormentonan. Guia nos semper pa nos por actua di manera corecto. Nos kier wordo sana pa medio di Bo amor pa nos lanta y sigui lucha y pone nos mes na servicio di otronan. Awe den Bo Palabra Bo ta cura un hende riba sabat. Pero e hendenan a bira furioso y a cuminsa discuti kico nan lo por a haci cu Hesus . ( Luc. 6, 6-11Hopi biaha pa hende ta mas importante pa nan sigui nan tradicionnan cu e amor pa nan prohimo. Pero pa Hesus ta e amor pa e hende ta importante y esey ta traspasa tur barera. Señor guia nos pa semper nos por actua di acuerdo cu Bo santa boluntad. Amen.

Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031