Orashon di dia 12 juli 2017

IMG_0986

Mi ta gradici Bo Señor pa e dia nobo aki. Mescos cu den e Evangelio di awe Bo ta yama Bo discipelnan ( Mat 10, 1-7 ) asina Bo ta yama cada un di nos tambe na nos nomber. Nos ta canalnan cu Señor ta usa pa por hiba su presencia na hopi hende. Pa nos ser canalnan di gracia y bendicion pa e carnenan cu a aleha di e rebaño. Nos no por ta indiferente dilanti e dolor y necesidad di e ruman cu ta sclama pa un atencion di nos. Señor tin su mirada fiha riba cada un di nos, su gran amor y misericordia no ta caba nunca. E ta e Bon Wardador cu cada dia di nobo ta sigui busca nos y ta sigui yama nos pa nos bolbe bek den e rebaño. Pero prome cu nos bai busca leu nos tin di busca den nos propio cas, nos mesun famianan. Dios mes ta duna nos e autoridad pa nos por papia y exorta nos rumannan pa nan por cambia nan manera di actua. Nos testimonio ta e mihor Evangelio cu ta motiva nos rumannan pa cambia nan manera di biba. Señor duna nos e sabiduria pa testigua na Bo fabor dilanti di nos rumannan pa medio di Cristo nos Señor. Amen.

Comparti e Bon Noticia
Posted in Orashon di Dia
July 2017
M T W T F S S
« Jun    
 12
3456789
10111213141516
17181920212223
24252627282930
31