Orashon di dia 12 mei 2017

IMG_0232

Tata Eterno Abo conoce cada un di nos cu ta Bo yiunan. Nos ta Bo preto di wowo. Bo conoce nos defectonan y nos debilidadnan. Bo ta presente na ora di nos caidanan, pero tambe den nos luchanan y Bo sa con hopi esfuerso nos ta haci pa nos por supera e picanan cu ta impedi nos di ser un bon yiu pa Bo. Bo tey tambe na momento di tanto alegria ora nos ta logra nos metanan. Awe Bo ta recorda nos den Bo Palabra cu Abo ta e caminda, berdad y bida y cu niun hende no por yega cerca Bo si no ta pa medio di Hesus ( Huan 14, 1-6) Bo ta mustra nos cu Abo semper tey y ta dispuesto pa tene nos mannan y hiba nos na cas di nos Tata Celestial. E luga cu E tin prepara pa cada un di nos desde eternidad. Si enberdad nos kere den e Palabra di Dios y nos haci e Palabra bira realidad den nos bida nos por hiba e mensahe di alegria tambe na otronan cu ta den necesidad di un palabra di aliento. Cu Hesus den nos caminda sigur nos por enfrenta cualkier dificultad pa mas duro cu e por ta pasobra ya Hesus a derota morto na cruz y huntu man den den man cu Hesus ta posibel alcansa e meta tan anhela di e santidad y e Bida Eterno . Amen.

Comparti e Bon Noticia
Posted in Orashon di Dia
July 2017
M T W T F S S
« Jun    
 12
3456789
10111213141516
17181920212223
24252627282930
31