Orashon di dia 13 september 2017

IMG_0987

Señor danki pasobra den cada dia nos por sinti Bo forza cu ta renoba y cu ta sana nos di tur e cicatrisnan cu a keda di tanto bataya den nos bida. Tene compacion di nos y bishita cada un di nos cu Bo poder santo p’ asina nos fe por crece, fortalece y habri nos consenshi y nos spirito pa e maraviya di Bo amor. Dios ta desea nos felicidad y nos santidad. Pero hopi biaha nos felicidad no ta depende di cosnan material, di fama, exito of diverticion. E Palabra awe ta invita nos pa recorda cu nos ta pasahero ariba e mundo aki. Cu pa mas hopi cu nos por tin, tur cos ta keda aki na mundo y cu nos no ta bai cu nada. Pa e fielnan nos yamada ta di biba buscando e biennan di shelo, esnan cu ta keda pa eternidad. E Evangelio ta papia cu nos awe di e bienaventuranzanan y ta mustra nos cu feliz ta esnan pober, esnan cu tin hamber, esnan cu ta yora, esnan cu hende ta odia, rechasá, zundra y papia malo di nan pa motibo di e Yiu di hende. ( Luc. 6, 20-26 ) Den shelo tin un recompensa grandi pa nan. Tata yuda nos biba di tal manera cu nos por haci e bienaventuranzanan bira realidad den nos bida pa medio di Cristo nos Señor. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930