Orashon di dia 15 mei 2017

IMG_1433

Danki Tata Stima pasobra Bo no a lubida di lanta cada un di nos awemainta. Nos a habri nos wowo y nos por mira y move cada parti di nos curpa. Esey ta danki na Bo, Dios Tata Todopoderoso. Maraviyoso y Generoso Bo ta. Awe Hesus ta bisa nos cu nos mester obedece Dios su mandamentonan. Esun cu obedece Dios su mandamentonan ta stima Hesus, Tata lo stima esun cu stima Hesus y Hesus tambe lo stime y mustre ken E ta. E lo manda esun cu lo yuda boso, esta Spirito Santo cu Tata lo manda den su nomber, cu lo siña boso tur cos y recorda boso tur loke Hesus a bisa boso. ( Huan 14, 21-26 ) E mandamentonan ta manera trapinan di amor pa yega na Dios. E ta difícil pa ser fiel na e mandamentonan pesey nos mester pidi ayudo y forsa spiritual pa por yuda nos avanza den e crecemento spiritual. Hesus a priminti nos cu E lo manda Spirito Santo, cu ta nos Yudado, esun cu ta guia nos y ta siña nos tur cos. Spirito di Dios Abo cu ta e Spirito movedo, move den nos curazon, ilumina nos mente pa nos por cumpli cu Bo boluntad, stimando Bo mas y obedeciendo Bo mandamentonan di amor fielmente pa medio di Cristo nos Señor Amen.

Be Sociable, Share!
Posted in Orashon di Dia
November 2017
M T W T F S S
« Oct    
 12345
6789101112
13141516171819
20212223242526
27282930