Orashon di dia 16 juli 2017

spirito santo 1

Danki Señor pa regala nos un dia bendishona. Nos speranza ta den Bo Tata Stima. Nos tarea riba e mundo aki ta sembra e simia di fe confiando den e Poder di Dios.  ( Mat. 13,1-23 ) Como testigo di Hesus Resucita nos tin un mision di haci bon, sembra den cualkier situacion cu nos ta biba. Meimei di tur e noticianan di guerra, di odio, tambe den famia, nos mester ta hende di paz. Nos mester sembra riba e Palabra di Dios. Aunke e tera por tin sumpiña of tin piedranan di ingratitud of di rechazo cu ta golpia nos pianan, nos mester ta hende di speranza. Ta necesario sembra cantando cu generosidad, cu speranza. Confiando cu e simia ta bon, ta eficaz, pasobra e simia ta di Dios. Aunke hopi biaha nos ta sembra cu awa na wowo y e cosecha ta decepcionante, nos no ta perde speranza. Señor nos Dios duna nos e curashi cu maske den kico nos por pasa aden nos keda sembra e simia di fe, speranza y paz den nos rumannan. Amen.

Comparti e Bon Noticia
Posted in Orashon di Dia
July 2017
M T W T F S S
« Jun    
 12
3456789
10111213141516
17181920212223
24252627282930
31