Orashon di dia 16 mei 2017

IMG_0960

Tata di misericordia esta bon ora nos lanta y sa cu Abo ta compaña nos tur dia di nobo di nos bida. Danki nos bon Dios. Nos ta halza Bo y duna Bo tur honor y gloria cu Bo so merece. Nos ta yiunan privilegia y bendishona pasobra nos por conta diariamente tambe cu Bo Palabra Sagrado pa medio di e Santa Biblia. Awe Bo ta bisa nos cu Bo ta laga Bo paz pa cada un di nos. Bo paz Bo ta duna nos , ma no manera mundo ta desea otro paz ora nan ta cuminda otro. ( Huan 14, 27-31 ) E paz aki ta necesario y sumamente indespensabel. E paz cu Hesus ta papia di dje ta un paz cu ta supera tur esfuerzo humano, e ta e paz interno cu nos por ricibi ora nos domina e gueranan di nos mannan cu ta afecta nos alma. E paz aki no ta esun di mundo, e ta un paz cu ta bini di Señor. Hesus ta e paz y E sa cu den e mundo aki cu tanto problema, mentira, miedo y persecucion nos mester di dje pa cumpli cu nos mision. E paz di Hesus ta e resultado di un bida di gracia y uni intimamente cu Hesus. Pesey Hesus cada un di nos ta suplica Bo humildemente y di profundo di nos curazon pa Bo permiti nos cuida Bo gracia pa nos alma por ser colma cu Bo paz apesar di tur tormenta. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930