Orashon di dia 17 juli 2017

IMG_3048

Un siman nobo a cuminsa pa cual nos ta sumamente agradecido na Dios. E ta nos auxilio. Den tur nos dificultadnan nos sa cu nos por conta riba Dios. E ta semper nos refugio. Hesus nunca Bo no a priminti nos un bida comodo sin ningun problema alcontrario Bo ta bisa cada un di nos awe den Bo Palabra cu Bo no a bini pa trece paz sino division. Bo ta invita nos pa hiza nos cruz y sigui Bo ( Mat. 10, 34-42,11,1 ) Hesus ta recorda nos cu den dj’E nos ta encontra e paz berdadero renunciando na nos egoismo. Cu Hesus ta posibel vence tur soberbia, nos bida comodo y sin sentido y ser testimonio den nos famia y cu nos rumannan por mira den nos siguidornan autentico di Cristo, aunke hopi biaha nos ta motibo di division pa motibo di kere den Hesus. Tata Celestial nos ta pidi Bo yudansa pa e dificultadnan y sufrimentonan haci nos crece den fe y amor pa nos rumannan y pa nan por wak den nos e mihor ehempel pasobra esun cu ta stima Dios tin e libertad di curazon pa stima su prohimo tambe. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930