Orashon di dia 18 april 2017

hesus bati na porta

Tata danki pa un dia nobo, un speransa nobo, un oportunidad nobo. Cuanto di nos podise a lanta yen di dolor y verdiet pensando cu ya no tin solucion pa nos problema y cu no tin futuro mas pa nos. Asina na momento cu Maria Magdalena a nota cu e graf caminda nan a dera Hesus tawata bashi, e tambe tawata yen di dolor y verdriet. Sinembargo na e momento ey e ta mira un homber cu ta puntre pakico e ta yora, pero door di tanto verdiet Maria no ta ripara cu ta Hesus mes tawata bibo presente hunto cu ne ( Huan 20,11-18 ) Asina ta pasa cu nos tambe. Hesus ta yama nos tur momento na nos nomber y E kier bin biba cerca nos. Pero door di tanto problema nos no ta tende ni mira cu Hesus Resucita tey constantemente ta bati na porta di nos curason. E kier tuma nos problemanan over. Tata Todopoderoso kita e scama for di nos wowo y habri nos oreanan spiritualmente pa nos por habri nos curason pa Bo por tuma control over di nos bida Amen.

Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031