Orashon di dia 19 mei 2017

spirito santo 2

Awe ta un dia bendiciona pa cada un di nos cu ta kere den Dios y ta stima Dios y ta haci su maximo esfuerso pa cumpli cu Dios su boluntad. Grandi y Mahestuoso Bo ta Señor. Nos ta yama Bo danki pa stima nos prome y scohe nos como Bo yiunan. Hesus ta manda nos awe pa bai cumpli cu su mision un tarea cu cada Cristian tin cu cumpli cu ne di momento cu nos wordo batisa te na momento di nos morto. Esey no ta nada otro cu hiba e Palaba di Dios den e medida cu nos por pa medio di oracion, e Palabra y e obra. E Evangelio ta papia cu nos awe di amor Cristian cu nos prohimo, cu nos rumannan cu nos no a scohe pero cu Dios mes a regala cada un di nos y cu cada un cu nos ta comparti e dia na trabou, den nos alegria y tristeza manera Hesus a mustra nos e ehempel den su mandamentonan. Hesus no kier pa nos ta sirbido pero su amigo y manera amigo y ruman nos mester trata otronan, esta nos prohimo, esnan cu nos tin di haber cada dia di nobo cu nan y asina nos por carga fruta duradero na abundancia.( Huan 15, 12-17 ) Spirito di Dios, Abo cu ta nos guiado y yudado y e laso di amor entre Dios Tata y Dios Yiu duna nos e fruta di humildad pa nos por ta un fiel amigo y ruman y nos por refleha esey den tur nos obranan cargando fruta abundantemente pa medio di Cristo nos Señor. Amen

Be Sociable, Share!
Posted in Orashon di Dia
November 2017
M T W T F S S
« Oct    
 12345
6789101112
13141516171819
20212223242526
27282930