Orashon di dia 2 april 2017

Jesus and lazaro

Tata stima,mi ta hopi contento, agradecido y yen di goso pasobra ora mi a lanta mi a descubri  Bo presencia amoroso y fiel hunto cu mi, treciendo pas y Bo ta calma tur mi angustianan.  Abo cu ta e Fuente di tur cos bon, for di kende tur e bendishon nan y gracianan ta bini, mi ta pidi Bo drenta den mi curason y revela mi tur loke mi mester sa pa stima Bo y sigui fiel na Bo mandamentonan. Awe Evangelio ta papia di e resureccion di Lazaro, e amigo stima di Hesus ( Huan 11, 1-45 ) E resureccion di Lazaro ta un anticipacion di Hesus su resureccion y di tur Cristiannan. Hesus ta siña nos cu E ta capas di vence tur atadura di morto y desbarata e plannan di e malbado. Hesus por a yega na tempo pa sana su amigo Lazaro. Pasobra e obranan di Señor ta perfecto y E la permiti su amigo muri pa demostra cu morto no ta niun obstaculo pa resureccion. Mescos cu Lazaro Hesus kier saca nos for di nos graf di picánan pa nos sali y kita tur loke tin nos mará na man y pia pa nos por resucita den un bida completamente nobo. Dios Tata Todopoderoso duna nos forsa pa nos por biba un bida nobo, e bida den Spirito den cual morto no tin poder riba dje. Renoba nos curason pa nos por cuminsa un bida nobo aki caba ariba e mundo aki, e bida den amor di Dios pa despues nos por wordo transforma pa e bida glorioso pa medio di Cristo nos Señor . Amen.

Comparti e Bon Noticia
Posted in Orashon di Dia
April 2017
M T W T F S S
« Mar    
 12
3456789
10111213141516
17181920212223
24252627282930