Orashon di dia 2 october 2017

IMG_1433
Mi Dios, mi Señor y mi tur cos danki pa habri un siman nobo. Danki pa Bo Spirito Santo cu ta obra den nos bida y den nos curazon haciendo cu nos ta crece den speranza y den amor. Nos ta roga Bo pa inunda henter nos ser cu Bo presencia y aleha tur loke ta malo for di cada un di nos. Awe Iglesia ta celebra e memoria di Santo Angelnan wardador. Bijbel ta papia di angelnan como sernan cu ta protega hende. Nan ta sernan puramente spiritual creá pa Dios. Si nos nenga cu nan t’ey, nos ta mustra cu nos fe no ta consecuente. Si nos kier kere berdaderamente, nos mester bira mescos cu mucha. Hesus a yama un mucha chikito pone para meimei di nan y a bisa:” Mi ta sigurá boso: si boso no cambia bira manera mucha, boso lo no por drenta reino di Dios. ( Mt. 18,1-5 ) Señor nos ta pidi Bo awe e proteccion y e compañia di nos angel wardador pa cuida nos y dirigi nos pasonan y nos sentimentonan pa nunca nos ofenda Dios. Amen.
Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031