Orashon di dia 2 September 2017

IMG_0070

Dios Tata Generoso Abo a duna nos bida y bida na abundancia. Bo ta duna nos salud, forza, sabiduria, talentonan y carismanan. Tur esaki nan ta pa nos sigui engrandece Bo Reino. Nos mester ta agradecido na Bo pa ta un Tata asina generoso cu nos cu ta Bo yiunan. Hopi biaha enbes di ta agradecido nos ta biba ta keha y nunca nos no ta satisfecho cu loke nos tin of loke nos ta.  Cu e poco cu nos tin nos mester por sa di traha cu ne y aumenta nos capacidadnan cada dia mas y mas. Den e Evangelio di awe Hesus ta conta tocante e parábola di e placa cu a confia e crianan cu ne. Cada un di e crianan E la duna un suma di acuerdo cu nan abilidad pa nan traha cu ne y E la bai di biahe y ora E la bolbe E la bin haci cuenta cu nan. Nan a traha cu ne y a gana extra placa pero tawata tin uno cu di miedo a bai sconde su placa bou di tera y no a gana nada cu ne. Pesey e homber a kita e placa cu e la haña for di dje y duna esun cu tawata tin caba. Pasobra esun cu tin hopi, lo haña mas y lo tin asta na abundancia. Ma esun cu no tin nada asta e tiki cu e tin, lo kita for di dje.( Mat. 25, 14-30 ) Señor siña nos ta generoso cu loke Bo a regala cada un di nos. Cu nos por sa di ta agradecido na Bo pa tur locual den Bo inmenso bondad Bo a regala nos y cu nos sa di aprecia y usa nan pa edifica Bo Iglesia y engrandece Bo Reino pa medio di Cristo nos Señor. Amen.

Be Sociable, Share!
Posted in Orashon di Dia
November 2017
M T W T F S S
« Oct    
 12345
6789101112
13141516171819
20212223242526
27282930