Orashon di dia 21 september 2017

IMG_3048

Tata Celestial nos kier yama Bo danki pa manda Bo unico Yiu Hesus aki na mundo pa saca nos for di e abismo cu tawata tin nos paralisá y bendishona nos ariba e dia nobo aki cu Bo ta yama cada un di nos na nos nomber apesar di nos miseria. Bo ta duna nos un experencia maraviyoso di ser testigo di e poder di Spirito Santo. Awe Iglesia Catolico ta celebra e Fiesta di San Mateo, un di e discipelnan di Hesus. Den Hebreo su nomber ta nifica Don di Dios. E ta esun cu a skirbi e prome Evangelio den e Santa Biblia. Mateo su nomber tawata Levi cu tawata un cobrado di belasting, un pecador publicano cu Señor a yama y awe e ta un santo cu ta gosa di Señor su gloria. Cu e ehempel di San Mateo por recorda nos cu Dios semper ta ofrece su gracia na pecadornan y cu esun cu ta leu di e santidad por comberti pa e misericordia di Dios. Nos ta pidi Bo Señor yuda nos tur cu ta hende pecador pa cambia nos bida y cuminsa un bida nobo hunto cu Bo pa medio di Cristo nos Señor. Amen.

Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031