Orashon di dia 22 juli 2017

maria_madalena_e_jesus_2

Awe nos ta recorda Maria Magdalena, un pecador cu a comberti y a forma parti hunto cu e discipelnan di Hesus. E tawata presente na ora di Hesus su morto y e tawata e prome cu a mira Hesus Resucita. Den e Evangelio awe nos por lesa di e angustia di Maria Magdalena ora e no a haya Hesus den e graf y ta te ora Hesus a yame na su nomber e la haya e alivio. ( Huan 20,1-2,11-18 ) Mescos asina hopi biaha nos tambe ta sinti den hopi momento cu Hesus no tey cu nos te ora nos sinti su presencia tanto ta den e Palabra of den Santa Eucaristia. Nos mester haci mescos cu Maria Magdalena cu ta bai anuncia cu Hesus ta Bibo, cu E la vence morto y cu nada ta imposibel p’E basta nos ta kere. Tata Misericordioso, danki cu semper Bo ta duna nos un otro oportunidad y cu Abo no ta haci distincion di hende. Laga nos tin e anhelo y e sed di Dios pa nos por bandona nos mes completamente den su existencia, cu semper tey cu nos y cu ta stima nos incondicional. Amen.

Be Sociable, Share!
Posted in Orashon di Dia
August 2017
M T W T F S S
« Jul    
 123456
78910111213
14151617181920
21222324252627
28293031