Orashon di dia 22 september 2017

jesus-is-the-light

Tata Stima riba e dia aki cu ta cuminsa mi kier suplica Bo pa regala cada un di nos e gracia pa nos pensa riba Bo den tur momento y duna Bo e rol principal den nos bida pasobra ta solamente den Bo presencia nos bida tin sentido. Danki pa stima cada un di nos manera nos ta. Nos ta alaba Bo y bendishona Bo Santo nomber. Señor nos Dios Abo ta nos mayor rikesa, yuda nos ser fiel den cada tarea cu Bo ta confia na nos. Awe Bo ta siña nos den Bo Palabra cu e berdad ta haci nos liber. ( Lc. 8,1-3) Nos caminata den fe mester ta compaña cu luz, nos palabranan mester refleha e mesun Evangelio di Hesus. Nos no por cambia nos fe, nos doctrina ta sagrado pesey nos palabranan tambe mester ta sagrado. Nos fe mester ta respalda pa obra pasobra fe sin obra ta morto. Nos ta yamá pa comberti, cambia nos bida, laga tur cosnan material un banda. Laga semper nos scohe pa Hesus na prome lugar y semper nos lo sali ganá, victorioso. Den tur momento laga nos pidi Dios lusa nos mente pa nos tuma decisionnan cu ta di acuerdo cu su boluntad . Amen

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031