Orashon di dia 23 september 2017

piopietrelcina_23septiembre

Señor nos Dios awe nos ta desea di acerca nos den Bo presencia Bibo pa pidi Bo pa regala nos e humildad di scucha semper y cu Bo Palabra ta e caminda sigur di salbacion. Hesus awe nos ta observa cu den e Evangelio Bo ta sali reparti e simia di Bo Palabra cu un gran amor siñando nos di un manera senciyo con Bo estilo ta. Hesus ta yega cerca nos pa mustra nos e diferente formanan cu su Palabra por influencia den nos curazon di acuerdo cu nos disponibilidad. Tin caminda cu nos ta encontra piedra, sumpiña cu ta e preocupacionnan, pasionnan y dificultadnan cu ta stroba e simia di e Palabra drenta nos curazon ( Luc. 8,4-15) Awe Iglesia ta recorda e memoria di San Pio di Pietrelcina un sacerdote italiano cu di mucha a sinti e vocacion profundo pa bira religioso. E tawata tin e don di por mira den curazon di hende nan picanan y pesey hopi hende tawata bin confesa cerca dje. E la haya e stigmata cu Hesus tawata tin. Señor laga cu ehempel di San Pio por duna e hobennan animo pa por haya un vocacion profundo pa bira sacerdote. Amen.

Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031