Orashon di dia 24 juli 2017

IMG_2312

Nos ta na comienso di un siman nobo Señor pa cual nos ta sumamente agradecido na Bo pa duna nos e don di bida. Yena nos cu Bo gracianan y laga nos sinti Bo presencia Señor. Den e Evangelio di awe doctornan di ley y fariseo ta pidi Hesus un señal. Hesus a bisa nan: e unico señal cu nan lo haña ta e señal di profeta Yonas. Pasobra manera Yonas a keda tres dia den bariga di e pisca grandi, asina ey e Yiu di hende lo keda tres dia den bariga di tera. ( Mat. 12,38-42)  Apesar cu nos por a mira bondad di Señor Altisimo y cu nos ta mira su obranan tur dia den nos bida y di nos famia nos tambe ta sigui pidi señal. E señal ta Hesus mes atraves di su Palabra. Nos tin cu kere y confia den e Palabra di Dios cu ta puro berdad. E Israelitanan ainda ta spera e Mesias priminti. Dios di misericordia tene compacion cu cada un di nos cu ta Bo yiunan na momentonan cu nos por a duda den Bo Palabra, pordona nos e falta di fe y yuda nos cada dia di nobo pa nos por mira tur Bo bondadnan y Bo obranan cu Bo ta haci den nos bida y di nos sernan keri pa medio di Cristo nos Señor. Amen.

Be Sociable, Share!
Posted in Orashon di Dia
August 2017
M T W T F S S
« Jul    
 123456
78910111213
14151617181920
21222324252627
28293031