Orashon di dia 24 september 2017

IMG_0124

Tata Misericordioso awe atrobe mi kier acerca Bo pa den tur humildad reconociendo cu mi no por biba sin Bo. Cu mi tin mester di Bo cada instante, tur momento. Danki pa duna cada un di nos e regalo precioso di bida. Tata nos sa cu Bo plannan no ta nos plannan y Bo camindanan no ta manera di nos. Bo pensamentonan tambe no ta mescos cu di nos. Awe Bo ta mustra nos esey hopi cla den Bo Palabra cu ta e parábola di e trahadornan den e hofi di wijndruif na unda Bo ta manda e trahadornan bai traha den Bo hofi di wijndruif. E trahadornan a cuminsa na diferente ora y sinembargo na final e doño a paga nan tur igual. ( Mat. 20, 1-16b) Hesus kier siña nos cu nos relacion cu Dios no ta cuestion di merito, di cantidad di trabow of calidad. Den e Reino di Dios e relacion cu Dios ta gratis, e ta di duna sin ricibi nada a cambio. Tambe Señor ta siña nos cu nos mester keda contento cu exito di nos prohimo y enbez di bira jaloers y haya envidia nos mester gradici Dios pa cuanto misericordia E tin cu otronan y asina hunto nos por construi un mundo nobo. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031