Orashon di dia 26 september 2017

IMG_0072

Danki Tata pa Bo presencia y cu Bo ta laga mi mira cu pase loke pase semper lo mi sigi dilanti pasobra Abo tey y ta compaƱa mi semper y nunca Bo no ta bandona nos. Nos kier pidi Bo awe pa nos por tuma e mihor decisionnan di bida, basa riba amor y respet. Nos no ta desea cu ningun sentimento di derota ta podera di nos pensamentonan y cu por distrai nos di e bon deseonan di alcansa metanan cu ta duna Abo tur Honor y Gloria y duna fruta na abundancia. Awe nos ta encomenda Bo nos bida y di nos famia. Haci nos un instrumento di Bo y cu semper nos por mira otronan cu un curazon manera Abo ta haci. Awe Hesus ta bisa nos cu su mama y su rumannan ta esnan cu ta scucha Palabra di Dios y cumpli cu ne. ( Lc. 8,19-21) Hesus ta habri un porta grandi pa nos por drenta y forma parti di un famia nobo, e famia spiritual, e famia Cristian. E famia cu ta cumpli cu boluntad di Dios. Cu ta biba den comunidad, cu ta yuda otro, cu ta biba nan fe y ta sostene otro mutuamente den dificultadnan. E famia, e pueblo di Dios cu ta resa hunto y asina den union ta haya forza for di ariba. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031