Orashon di dia 27 juli 2017

IMG_0506

Tata Santo awe ta un otro dia di hubilo, un dia victorioso pasobra nos a ricibi e regalo mas precioso di bida. Pesey tur loke tin rosea mester alaba su Creador. Grandi y Todopoderoso Bo ta. Nos ta pone tur nos plannan cu nos tin awe den Bo mannan Sagrado. Haci loke ta Bo boluntad cu nos bida. Den e Evangelio di awe Hesus ta bisa nos cu E ta papia cu nos den parábola pasobra maske nos ta wak, nos no ta mira nada y maske nos ta scucha nos no ta tende ni comprende nada. ( Mat. 13, 10-17 ) Tin biaha nos ta wak e problema pero nos no ta wak loke tin su tras, cu Señor ta desea di desaroya e virtud den nos, E kier regala nos e fortaleza, e paz meimei di tormenta. Nos curazon hopi biaha ta duro y nos ta desconfia cu ta imposibel pa nos kere cu tras di un prueba tin un bendicion y un proposito di Dios. Nos batayanan ta spiritual y ora nos ta sinti nos mas cansa Hesus ta lanta nos y duna nos forza renoba. Señor yuda cada un di nos keda tene duru na Bo, apesar di tur dificultad y problema. Habri nos wowo y horea spiritualmente pa nos por comprende cu sin Dios nos no ta nada y cu Dios nos tin y por tur cos. Amen

Be Sociable, Share!
Posted in Orashon di Dia
August 2017
M T W T F S S
« Jul    
 123456
78910111213
14151617181920
21222324252627
28293031