Orashon di dia 28 september 2017

Fe Speransa y Amor

Tata Misericordioso danki pa e dia cu Bo ta regala nos y cu Bo ta permiti nos resa pa nos sernan keri y pone nan den Bo presencia pa Bo yena nan cu Bo bendishon y Bo amor. Awe nos kier pidi Bo pa laga nos mira e mundo atravez di Bo wowonan, actua cu nos curazon y cu nos sentimento uni na esun di Bo p’asina nos por mira e mihor di cada persona. Bini y haci nos capaz semper di profesa cu nos boca y curazon y cu henter nos ser cu nos ta refleho di Bo alegria y compasion. Nos ta invita Bo pa bini den nos bida y keda cu nos pasobra Abo ta mas importante pa cada un di nos. Abo ta duna sabor na nos bida. Nos ta stima Bo y ta confia den Bo. Awe nos por mira cu asta Herodes tin gana di mira Hesus. Pasobra aunke nos por pensa cu nos enemigonan a kere cu nos no tey mas y cu e la vence nos y tumba nos y cu nos no ta lanta mas pero Dios cu nos ta kere den dj’E, ta lanta nos y lo pone nos na un lugar special cu asta nos enemigonan lo puntra ta con nos a yega eynan y e Gloria semper ta pa Dios.( Lc. 9,7-9 ) SeƱor yuda nos pa nos sigui lucha y cu un profundo conviccion cu Dios semper ta cu nos y pa nos no preocupa cu opinion di otronan y pa nos actua manera Dios ta desea di nos. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031