Orashon di dia 29 september 2017

arcangelnan

Señor nos Dios awe nos kier bisa Bo danki pa duna cada un di nos un angel wardador cu ta compaña nos tur instante di nos bida y ta warda nos di tur tentacion. Danki pa e dia nobo aki y pa e oportunidad cu nos por encontra cu Bo atravez di Bo Palabra. Awe Iglesia Catolico ta celebra Fiesta di e arcangelnan Miguel, Rafael y Gabriel, kende nan ta aparece den Bijbel cu misionnan importante di Dios. San Miguel den Hebreo ta nifica ” Ken manera Dios” y ta un di e angelnan principal. Su nomber tawata e grito di guera den e bataya libera den shelo contra e enemigo y su siguidornan. E ta e angel di huicio ( Dan 10, 13-21 ) San Rafael su nomber ta nifica “Remedi di Dios. ” E ta esun cu ta sana e ciego Tobias ( Tobit 5,5; 12,5-22 ) E ta e arcangel amigo di esnan cu ta cana y dokter di e enfermonan. San Gabriel ta nifica “Fortaleza di Dios.” E tawata tin e mision importantisimo di anuncia na La Birgen Maria cu e lo ta e Mama di nos Salbador Hesus. ( Lc. 1, 26-38 ) Dios Tata Todopoderoso den Bo providencia milagroso Bo a yama angelnan y hende den Bo sirbishi. Laga esnan cu ta biba den Bo Gloria y sirbi Bo mahestad bira pa nos mensahero di Bo legria y wardador di Bo paz pa medio di Cristo nos Señor. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031