Orashon di dia 3 april 2017

IMG_1435

Tata Bondadoso trempan nos ta busca Bo pasobra Bo a permiti nos habri un otro siman. Nos ta reconoce cu nos ta hende pecadornan cu tin mester di Bo gran misericordia y pordon. Duna nos e forsa y perseveransa pa cada dia di nobo nos por haci nos maximo esfuerso pa sigui den Bo pasonan, aunke con smal e caminda por ta pero cu Bo yudansa nos lo sigui avansa. Danki nos bon Dios. MASTER DIOS TA, NO TIN MANERA DIOS, E TA UNICO! Awe Hesus ta duna nos un enseƱansa tocante e muhe cu nan a haya den adulterio y e dokternan di ley y e fariseonan a trece cerca Hesus pa tende Hesus su opinion. Pero Hesus a bisa nan:” Esun di boso cu ta sin pica tira e prome piedra. Tur a kita bai y Hesus a bisa e muhe: wel, Ami tampoco no ta condena bo. Bai y no sigui biba den pica.”( Huan 8,1-11 ) Nos tur ta consiente di nos debilidadnan y di e facilidad cu nos por cai den pica sin e gracia di Dios. Hesus ta mustra nos cu E so por husga curason di hende. E contesta cu E ta duna e fariseonan ta cu Dios ta desprecia pica, pero cu E ta stima e pecador extremadamente. Dios ta infinitamente Husto y Misericordioso. Ki distinto ta e pensamentonan di Dios for di hende. E dokternan di ley y e fariseonan cu ta wordo considera como e sabionan grandi no ta gusta mira cu e hendenan ta sigui y scucha otro Maestro. Na final nos ta wak cu Hesus ta pordona e muhe pero E ta mustre si cu e tin cu cambia su bida y cu e no por sigui haci loke e tawata haci. Esey Dios ta desea di cada un di nos tambe. Dios Misericordioso concede nos e forsa pa nos no cai den tentacion y duna nos e humildad pa pidi pordon pa nos picanan. Mi ta confia mi pasado na Bo misericordia, e presente na Bo amor y e futuro na Bo providencia. Amen

Comparti e Bon Noticia
Posted in Orashon di Dia
June 2017
M T W T F S S
« May    
 1234
567891011
12131415161718
19202122232425
2627282930