Orashon di dia 3 october 2017

Aruba ban bek serka Dios

Tata Misericordioso den Bo gran misericordia Bo a regala nos un dia mas. Bendishona Bo ta te den tur eternidad. Señor nos kier roga Bo pa tur esnan cu no kier acepta Bo den nan curazon. Esnan cu ta desprecia Bo y no ta valora cuanto Bo a sufri pa cada di nos. Nos ta pidi Bo pa e candela di Bo misericordia por transforma cada un di nos y haci nos criaturanan nobo. Cu Bo boluntad sea haci den cada un di nos. Laga nos testimonio por sirbi pa combersion di tur esnan cu ta leu ainda di Bo. Den e Evangelio Bo ta bisa nos cu e pueblo na Samaria ta nenga di ricibi Hesus. ( Lc. 9, 51-56 ) Señor nos Dios nos ta suplica Bo pa laga nos pueblo di Aruba por habri nan curazon pa Bo y acepta Bo. Nos tambe tin momento cu nos ta wordo desprecia y insulta asta ora nos ta hiba un mensahe di paz, misericordia y salbacion na esnan cu mas tin mester di dje. Duna nos pasenshi y forza pa nos por sigui padilanti apesar di tur contratiempo. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031