Orashon di dia 3 September 2017

 

3  biaha  hesusTrempan mi ta busca Bo Dios. Bo ta tur locual nos tin mester pa ta feliz den bida. Bo ta nos speranza y nos refugio.Sin Bo nos no por nada y pa medio di Bo nos por tur cos. Ta Bo ta doño di nos bida y ta duna nos e rosea cada dia di nobo. Señor yuda nos pone tempo pa Bo, cu ta nos Tata Celestial. Ta Abo ta duna nos e tempo. Laga nos por habri un espacio den nos bida pa nos dedica na Bo. Awe Bo ta bisa nos den Bo Palabra cu si un hende kier sigui Bo, e mester lubida su mes, hiza su cruz y sigui Bo. ( Mat. 16, 21-27 ) Enberdad nos cada un tin un cruz pa carga, un mas pisá cu otro. Pero si nos bini cerca Hesus E mes lo sa di alivia nos carganan y duna nos forza pa carga nos cruz. Pesey ta bale la pena entrega nos bida na Hesus. Ta bale la pena laga mundo atras y sigui Cristo. Den Cristo nos tin victoria. Den Cristo semper nos ta ganador. No ta importa con grandi e problema ta, Cristo ta mas grandi cu nos problemanan. Pa medio di Cristo nos por goza di tur e beneficionan spiritual cu E tin reserva pa nos. E ta un reto. Pero ta bale la pena bai p’E. Sigur Sigur nos lo sali ganador. Danki Hesus pa entrega Bo bida pa cada un di nos na e cruz pa nos por tin victoria. Amen.

Be Sociable, Share!
Posted in Orashon di Dia
November 2017
M T W T F S S
« Oct    
 12345
6789101112
13141516171819
20212223242526
27282930