Orashon di dia 30 september 2017

IMG_2312

Dios nos Tata Bo ta invita nos pa sinta na e mesa di Bo Yiu Hesus. Nos ta pidi Bo Señor pa haci e mesa ey hancho y largo cu asina e por extende pa henter mundo. Asina tur hende muher y homber cu ta desea di acerca por sinta y ocupa un lugar y cu ta desea di alimenta nan mes cu e Palabra y cu e Curpa di Hesu-Cristo, Bo Yiu, nos Señor. Abo ta e bida di nos bida. Bo sa bon cu e unico cos cu nos ta desea pa Bo nomber haya Gloria y cu e almanan conoce Bo bondad. Awe ta memoria di San Heronimo. un sacerdote y doctor di Iglesia. E tawata un Bijbel bibo. Henter su bida, dia aden, dia afo, e tawata dedica su mes na estudio di Santa Scritura. E la traduci Bijbel na latin, a scirbi comentario riba dje y a splik’e. E tawata biba e Palabra tambe, resando y sirbiendo Iglesia. Tata mescos cu San Heronimo, haci pa nos cu ta Bo pueblo haya e caminda pa mesa di Bo Palabra y descubri cu tur cos cu ta biba ta cuminsa cerca Bo. Hopi biaha nos ta mescos cu e discipelnan di Hesus cu no ta facil pa comprende cu e Yiu di Dios mester sufri y mas ainda acepta cu nos mester sigui su ehempel.( Lc. 9, 43b-45 ) Pero Dios mes ta permiti pa nos siña wak e bondad cu tin den hende y pa nos no condena ningun hende. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031