Orashon di dia 4 october 2017

san-francisco-de-asis

 

Awe Iglesia ta celebra e memoria di San Fracisco di Asis, fundador di e Franciscanonan. E la nace na Italia y tawata yiu di un comerciante rico. E la hiba su hubentud y adolecencia despreocupa. Ora e tawata tin 20 aña e la tuma parti na un campaña militar y e la bira prisionero caminda cu e la bira malo y e la wordo libera. Despues cu e la bai Asis bek su proceso di combershon a cuminsa. E la renuncia na e herencia di su tata y e la sinti e yamada pa biba den pobresa y pa dedica su mes na predica. E tawata tin hopi amor pa Dios y pa creacion di Dios. E tawata stima bestia hopi y asta por a comunica cu nan. Awe den e Evangelio Hesus ta adverti nos di e condicion di sigui Hesus pa nos no pega nos mes na nada. ( Lc.9,57-62 ) San Francisco a brasa pobresa. Nos por lesa cu hopi tawata kier a sigui Hesus pero nan tawata kier a keda pegá na e compromisonan di mundo. San Francisco a laga tur cos atras, e herencia di su tata, di su famia y asta di su pañanan pa sigui Hesus. Señor nos Dios laga nos mira San Francisco como un modelo cu a brasa pobresa y e humildad. Oracion di San Francisco: Señor haci mi un instrumento di Bo paz, laga mi trece amor caminda tin odio, Laga mi trece pordon caminda tin pleito. Laga mi trece union caminda tin desunion. Laga mi trece berdad, caminda tin eror. Laga mi trece speransa, caminda tin desesperacion. Laga mi trece claridad caminda tin scuridad. Laga mi trece legria caminda tin tristeza. Señor haci mi busca mas tanto pa consola cu pa ser consola, mas tanto pa compende, cu pa ser comprendi; mas tanto pa stima cu pa ser stima. Pasobra ta dunando cu nos ta ricibi, ta podonando cu nos ta haya pordon y ta muriendo cu nos ta nace pa bida eterno. Amen.
Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031