Orashon di dia 5 april 2017

Hesus noa hace libre

Tata di amor y bondad. Nos ta gradici Bo inmensamente cu den Bo Gran misericordia Bo a regala cada un di nos un dia mas. Bo ta nos amigo fiel y bondadoso. Pero hopi biaha ta mas facil sigui hende y ta muchu mas dificil sigui Hesus. Hesus semper ta papia berdad aunke tin ora e por zona duru den nos horea. Pero e berdad ta haci nos liber y si Hesus haci nos liber nos lo ta liber di berdad. ( Huan 8, 31-42 ) Tin ora nos no kier kere den Hesus pasobra nos ta kere den loke nos bista por mira. Sigui Hesus ta nifica cu nos ta kere den Hesus, nos ta acepta su Palabra y nos ta purba di cana den su caminda. Sigui su mandamentonan y leynan. Ora nos ta sigui Hesus ta un decision nos ta tuma. Sigui Hesus por ta duru y pisá pero tin recompensa. Nos mester acepta Hesus den nos curason y ta dispuesto pa laga cosnan di mundo cu nos ta pegá na dje un banda y purba di hiba un bida cu ta agrada Dios. Hesus tin Poder pa haci nos liber di tur pica, di tur bicionan, di tur maldad. Dushi Hesus nos kier sigui Bo. Yuda nos cana den fe y sea agradabel na Bo, manteniendo firme na Bo Palabra. Laga nos para semper cla cu e berdad como faha na nos cintura. Amen y Amen

Comparti e Bon Noticia
Posted in Orashon di Dia
April 2017
M T W T F S S
« Mar    
 12
3456789
10111213141516
17181920212223
24252627282930