Orashon di dia 7 april 2017

IMG_0425
Dios di amor danki pa e don di bida. Awe nos ta desea di pone tur nos plannan den Bo mannan sagrado y nos ta laga nan na Bo santa boluntad. Nos ta suplica Bo pa obra den nos curason y yena nos cu hopi amor y pas cu nos mester pa sigi padilanti. Awe nos por lesa den e Evangelio cu e hendenan kier piedra Hesus pasobra segun nan cu Hesus ta blasfemia Dios.  ( Huan 10,31-42 ) Esey mester pone nos para keto un rato y pensa ariba tur esnan cu pa motibo di nan fe ta wordo persigui, humilia y asta mata. Nos ta biba den un mundo carga di mentira y desorienta y den tempo cu ta wordo poni ideologia radical cu ta hiba humanidad na caos y morto. Pero meimei di tur e inhustica y cambio di constitucionnan y leynan Señor ta bisa nos den su Palabra den e prome lectura ( Yer. 20,11)” Pero Señor ta pará band’e mi, un heroe cu ta bringa pa mi. Pesey ta mi persiguidonan mes ta trompeka, sin por haci nada.” Pesey laga nos no tin miedo di mustra otro manera di pensa y biba cu ta bai contra e mundo, na esnan cu tin fama y prestigio. Pasobra esey ta e causa berdadero cu e hudiunan a rechasa Hesus. Tata nos ta pone nos alma den Bo mannan, Bo conoce cada un di nos curason te den e mas intimo. Ora nos ta sinti cu nos ta wordo manda den e abismo, nos por experencia Bo victoria. Yuda nos pa nos por continua nos tarea di hiba e Bon Noticia na unda nan tin mester di dj’e pa duna di conoce Bo obranan maraviyoso pa medio di Cristo nos Señor Amen.
Be Sociable, Share!
Posted in Orashon di Dia
August 2017
M T W T F S S
« Jul    
 123456
78910111213
14151617181920
21222324252627
28293031