Orashon di dia 7 augustus 2017

images-7

Tata Santo danki pasobra semper Bo ta duna nos oportunidadnan nobo na comienso di un siman nobo pa pone den practica e amor cu Bo a regala cada un di nos. Bo ta Grandi y Maraviyoso!. Tata nos por lesa awe den Bo Palabra con e hendenan tawata sigui Hesus na pia. Ora Hesus a sali for di e boto y a mira e multitud grandi, E la  haya duele di nan y a cura nan enfermedadnan. Y como a bira lat Hesus a multiplica di cinco pan y dos pisca y a duna cinco mil hende di come. ( Mat. 14,13-21) Hesus semper tin amor y misericordia pa su prohimo. Nunca E lo laga esnan cu bini cerca dj’E bai man bashi. E ta hacido di milager. E tin poder pa haci tur cos. E por cura nos enfermedadnan di curpa y alma, Nos mester bai cerca Hesus, bishit’E na Santo Sacrificio di Misa y ora nos ricibi e Santa Comunion E ta alimenta nos alma, duna nos curpa forsa, E ta sana nos enfermedadnan y ta libera nos di nos mal custumbernan, basta nos ta kere y tin confiansa den Hesus. E ta desea pa nos tambe yuda nos prohimo vooral esnan cu tin mas mester di dj’E pa nos tene misericordia cu nan y duna nan Palabra di aliento pa trece nan riba e caminda di Señor. Danki Tata cu semper Bo tey pa nos pa yuda nos den tur nos necesidadnan. Amen.

Be Sociable, Share!
Posted in Orashon di Dia
January 2018
M T W T F S S
« Dec    
1234567
891011121314
15161718192021
22232425262728
293031