Orashon di dia 7 october 2017

rosario

Tata Santo awe mi a lanta contento sabiendo cu Abo ta stima mi y cu Bo ta stima cada un di Bo yiunan. Yuda nos reconoce tur e obranan maraviyoso di Bo mannan. Laga cu awe tur Bo plannan cu Bo tin pa cada un di nos so wordo realisa. Nos ta confia plenamente den Bo. Awe Iglesia Catolico ta celebra Fiesta di La Birgen Di Rosario. Papa Pio V a introduci e fiesta aki pa recorda victoria di bataya di lama cerca Lepanto. Cristiannan a atribui e victoria na Mama Maria, cu lo a yuda nan despues di resamento di rosario. E celebracion di awe kier combida nos pa medita e misterionan di Cristo. Maria a bai nos dilanti den esey. Di un manera unico e tawata uni cu Yiu di Dios cu a bira hende, a sufri, muri y a resucita gloriosamente. Tata Dios pa medio di e mensahe di angel Bo a revela nos cu Bo Yiu a bira hende ( Lc. 1,26-38) Nos ta pidi Bo pa intercesion di La Birgen Maria haci nos yega pa medio di sufrimento y cruz na Gloria di resureccion di Hesu-Cristo, nos SeƱor. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031