Orashon di dia 7 september 2017

IMG_0965

Mi Señor y mi Dios awe mi ta desea di experimenta tur e amor cu Bo tin pa cada un di nos y cu ta haci nos sinti nos mes stimá y bendiciona. Mi ta desea di biba haciendo Bo boluntad y pesey na e momento aki mi ta suplica Bo pa haci nos disponibel na Bo valornan y cu tur obstaculo por keda venci cu tin biaha nos ta experimenta door di trata na sigui Bo, Señor. Tambe nos kier pidi Bo cu na e momento aki pa Bo pasa Bo man sanador riba henter nos ser y sana tur herida cu ta pone nos sufri. Nos kier alaba Bo cu henter nos ser y pesey nos ta desea di ta sano. Nos ta suplica Bo pa nos salud fysico y emocional. Nos ta di Bo, Señor y nos bida ta den Bo mannan Todopoderoso Tata stima awe Bo ta yama Bo prome discipelnan cu ta piscadonan pa nan bira piscado di hende. Bo a mustra Bo poder ora cu durante henter anochi nan a traha duro sin pisca nada. Mientras ora Hesus a subi den e boto y bisa nan pa nabega bai afo caminda e awa ta hundo y tira reda. Nan a coi asina hopi pisca cu nan redanan a cuminsa kibra. ( Luc. 5, 1-11) Señor nos ta suplica Bo pa drenta den e boto di nos bida tambe y cu nos por acepta Bo cu un curazon habri pa Abo por laga milagernan sosode den nos bida. Amen.

Be Sociable, Share!
Posted in Orashon di Dia
September 2017
M T W T F S S
« Aug    
 123
45678910
11121314151617
18192021222324
252627282930