Orashon di dia 9 april 2017

diadomingo di rama 1

Cu e diadomingo di Rama nos ta habri e siman santo, e pashon di nos Señor Hesu-Cristo. Hesus ta haci su entrada sinta riba un burico na Herusalem. Un multitud grandi a habri paña pone abou riba caminda, otro a pone taki abou, cu nan a kita for di palo. Nan tawata grita : “Hosana, yiu di David! Bendishona ta esun cu ta bini den nomber di Señor. Hosana den altura!” ( Mt. 21,1-10 ) Hesus kier haci su entrada den nos curason pa nos pone Hesus central den nos bida, Nos curason mester bira su trono pa nos por declare como e Rey di nos curason, di nos bida, di nos famia y di nos plannan. Hesus sinta riba un burico ta simbolo di paz y humildad. Un Rey cu a bini pa sirbi y no pa wordo sirbi. E la duna e ehempel, den tur humildad E la laba pia di su discipelnan.Tambe nos como creyentenan mester duna Hesus su homenahe como Rey di Reynan cu un curason sincero. Reconoce Hesus como nos Señor y Salbador y Guia den nos bida den bon tempo y mal tempo.Tata Celestial nos ta pidi Bo humildemente pa yuda nos habri nos curason pa e Principe di paz por bin goberna nos bida y pa semper nos por alaba Hesus den Spirito y berdad aunke kico nos por ta pasando aden pa nos reconoce como nos unico Señor y Salbador y cu pa medio di Hesus nos bira ciudadanonan di e Reino di Dios.  Hesus Abo cu ta e Principe di Paz trece paz den cada curason y na mundo henter pa medio di Cristo nos Señor Amen..

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031