Orashon di dia 9 augustus 2017

IMG_0203

Tata di Amor awe mi ta bini Bo dilanti den tur humildad reconociendo cu Abo ta tur cos den mi bida y cu mi mester di Bo tur momento. Den mi luchanan di tur dia mi ta pidi Bo aumenta mi fe cu apesar di tur dificultad mi keda cu un fe firme, cu speranza y confianza den Bo, mi Tata Celestial. Grandi y Milagroso Bo ta! Awe nos por lesa den e Evangelio cu e señora canaanita ta pone su confianza den Hesus y Hesus ta cura su yiu muhe cu tawata hopi malo. ( Mat. 15, 21-28 ) Hesus su amor y compacion ta bai mas leu cu e normanan cultural. E no ta haci distincion di persona. Señor yuda nos pa nos por bira un testigo fiel di Bo amor y misericordia. Cu apesar di tur problema y dificultadnan cu por presenta den nos bida, pa nos keda cu un fe firme y cu e confianza cu pa Dios nada ta imposibel. Señor Hesus aumenta nos fe y haci nos speranza bira mas grandi pa nos por crece den caridad y amor pa Dios y pa nos prohimo. Amen.

Be Sociable, Share!
Posted in Orashon di Dia
October 2017
M T W T F S S
« Sep    
 1
2345678
9101112131415
16171819202122
23242526272829
3031